Kei te whakamana te rohe o te Waiariki i te wiki mate hinengaro

updated Mere McLean
  • Waikato/Te Waiariki

Koinei te rā tuatahi e tohu ana i te wiki mate hinengaro nā reira kei te hiahia ngā mātanga mate hinengaro kia huri ngā whakāro poapoa o te tangata ki ngā whakāro pai mo ngā momo mate hinengaro.

Hei tā Emma Kuita, “Kua whakakao mai mātou, ngā kaimahi, ngā whānau hoki o tēnei pito o te rohe ki te whakanui i tō tātau rā, ki te tīmatanga o tātau rā ki konei ki Thornton.”

He mea whakamana te wiki mate hinengaro e te tari mate hinengaro o te ao, ā, neke atu i te kotahi rau, rima tekau ngā whenua ka aro mai i tēnei wiki. 

E rima ngā rōpū hapori e kimi ana i ētahi rongoā hei kaupare i ngā āhuatanga kino o taua mate ara ko Ōpōtiki, Whakatāne, Tāneātua, Kawerau me Murupara.

Hei tā Emma Kutia, “Kia mātou nei, ko ngā whakaaro o ia tangata o rātou whakaaro mo tēnei ahuatanga te hinengaro, ko tātau katoa ka pā ki tērā, i wetahi wā kei te koa mātou, i wētahi wā kāre i te koa kei te pouri kē.”

I tēnei wiki ki Te Moana nui a Toi ka whakahaere ngā rōpū nei i tētahi kaupapa hei whakaputa i ngā kōrero mō te mate hinengaro.  Engari ko te kaupapa matua i tēnei tau ko te tākoha atu, tākoha mai.

Ka hāere tonu te wiki mate hinengaro tae noa ki te Rāhoroi tū ai te rā mate hinengaro o te ao.