Kaupapa: Environment

Kei te whakamahi te marae o Kearoa i o rātou ake hiko mā te wai

Mere McLean
  • Waikato/Te Waiariki

Kei te haukoti tētahi Marae ki te rohe o Te Waiariki i ngā utu nui rawa mō te hiko mā te whai i ngā kaupapa whakaora, pērā i te whakamahi i o rātou ake hiko mā te wai.  Ā, nā te angitū o te kaupapa kua kua tahuri ētahi atu marae ki tā rātou kaupapa. 

Mā tēnei huri-hiko ki te awa o Pokaitu i Horohoro ka taea te whāngai i te hiko ki te marae, whare karakia me te whare pāmu. 

Kei muri i te marae te huri-hiko e mahi ana, a he rua ira rima kiro tawhiti ia haora te kaha o tana whakaputanga, mā tēnei he whā mano tāra ia tau te nui o te moni ka penapenahia e te marae.

E ai ki a Eru George, “Tērā pea a te wā, ka whakanui rawa atu, me hanga anō hoki tētahi wā hei uru atu nei ngā hiko piki atu nei te hiko e mahi nei i tēnei wā tonu.” 

E ai ki a Eugene Berryman-Kamp he nui tonu ngā iwi kua whakapā atu ki a rātou mō tēnei kaupapa.  Engari hei tāna me kaua e pōhēhē he mahi ka tutuki noa i te pō kotahi.

Engari, mēnā e pūmau ana koe ki ngā mahi whakaora nei, he nui ngā painga ka puta mō te hapū. 

Ki tā George, “Koirā hoki te moemoeā, ka waiho mā rātou anō hoki hei whakatika, hei whakapai rānei, hei tohutohu, koirā hoki ngā hiahia e puta atu nei ki waenga nui i a mātou i tēnei wā.”