Ngā kaupapa: Kapa Haka, Te Matatini

Kei te whakahē te māngai kapa haka o Mataatua i te pūrongo hāmene i a '50 Haka Moments'

Heeni Brown
  • Waikato/Te Waiariki

Ao ake i ngā pūrongo e mea ana i te raruraru te komiti whakahaere o Mataatua whanui kia whakapāhongia e Whakaata Maori āna mahi haka ki te whakaaturanga hōu o ‘50 Haka Moments.’

Kua mea ake tana māngai horekau āna raruraru.

Hei tā te māngai mō te rohe o Mataatua, tā Te Kahautu Maxwell “Kei te pai a Mataatua whānui kia whakapāhotia a Whakaata Māori āna kapa haka ki roto i tēnā hōtaka a 50 Haka Moments”

Arā ngā whakapae i puta, i te āwangawanga ētahi māngai ki ētahi wāhanga o te hōtaka, engari i te mutunga iho he aha te aha.

Nä, e anga whakamua ana ki te whakapümau i ngä hononga ki a Whakaata Mäori.

Na ko taana anō, “Kei te ahu ki te taumata e tika ana, ā, kei te ahu ki tēnei mea te kotahitanga”

“Mā te upoko pakaru rā anō mā te waewae tūtuki, mā te upoko pakaru ra ano e eke ki te taumata”

Heoi anō rā, ka huri whakamua te aro a Te Kahautu, otirā ngā kapa katoa o Mataatua waka ki ōna whakataetae ā-rohe ka tū a tērā wiki.