Kaupapa: Environment

Kei te whakahē a Kahungunu i te tono kia rahi ake te hīa wai ki tētahi puna wai

Aroha Treacher
  • Te Tai Rāwhiti

E hiahia ana a Ngāti Kahungunu kia kore ai he tata ki te kotahi miriona rita wai mai i ngā awa whenua ki Heretaunga, te ahu atu ki tāwāhi i ngā pātara wai. 

I te ata nei, i tukuna e ngā hapū he tono ki te kaunihera a rohe o Te Matau a Māui ki tū ai taua mahi, nātemea, ki te whakarahi ake te wai i tango atu, ka mate te rohe.

Kāore he puna wai Māori ake i te muriwhenua ki Te Matau a Māui, otira, kua pīrangatia nuitia e ngā kaipakihi e whai ana i te taara.

Ko te āwangawanga nui a te iwi ko ngā raruraru ka hua ake inā ka piki ake te rahi o te wai i hīa mai i te awa, mātua rā i te wā tauraki o te tau.

Nā te tono i tuku atu ki te kaunihera, i tū ngā perene o te kamupene Elwood Road Holdings  ki Heretaunga, i tēnei wā tonu kā tāea e rātou he toru rau ono tekau rita o te wai te hīa ake, ko te hiahia, kia piki ake taua nama ki te ono rau  mano ia tau.

E hiahia ana ngā hapū kia haere tonu o ngā rangahau mō te painga rānei o te whakapiki ake i te rahi o te wai ka hīa ake, ka tū tētahi hui hei tēnei Rātapu ki te marae o Waipatu.