Kaupapa: Domestic Violence

Kei te whai tētahi tāne Māori ki te whakapai ake i te pūnaha mō te whāngai tamariki i Aotearoa

Rahia Timutimu
  • Tāmaki Makaurau

Kei te whai tētahi tāne Māori, e toru tekau mā rima ōna tau, ki te whakapai ake i te pūnaha mō te whāngai tamariki i Aotearoa.

Whai muri i ngā tau tekau mā waru a Daryl Brougham e tūkinohia ana i te wā he tamaiti whāngai ia, he reta whakapāha, he utu rānaki hoki te riro i a ia i Te Manatū Whakahīato Ora i tēnei tau, ā ko tana hiahia, he tuku i taua pūtea me āna mōhiotanga ki te whakatutuki i tana whāinga.

E pānui ana i tana reta whakapāha nō Te Manatu Whakahīato Ora.

E hoki ana ngā mahara o Daryl Brougham ki ngā mamaetanga i pā nōna i roto i ngā ringa o matua whāngai mō ngā tau tekau mā waru.

I aua tau, i kuraina ia ki ngā kura rua tekau mā whitu, neke atu i te toru tekau ngā tauwhiro i tiaki i aia, ā, he rima tekau ōna whānau rerekē. Ko te nuinga o aua whānau, kāre i tiaki i aia.

Nō tēnei tau i riro i a ia tētahi reta whakapāha nā te tāhūhū o Te Manatu Whakaora, nā Brendan Boyle.

E whitu tekau mano tāra te moni i whakawhiwhia mo taua mamae, me te kōrero, e kore e piki atu i tēnā.

I te tau rua mano tekau i whakaaro ia kia whai i ngā mahi Tauwhiro, ki Te Wananga o Aotearoa.

A, inaeanei, e hiahia ana ia kia whai wāhi ai ōna mātauranga, moni hoki, ki te whakarerekē i ngā mahi tiaki tamariki i ēnei rā, i te mea e mōhio ana ia ki taua mamae.

Hāunga rā tana mahi, e hiahia hoki ana ia te whai i tana tohu tākuta ki ngā mahi Tauwhiro.