Kaupapa: Education

Kei te tautoko te kawanatanga i te kura hourua o Te Kāpehu Whetū kia hanga kura tuatahi

Dean Nathan
  • Te Tai Tokerau

Ki Te Taitokerau, kua noho ko te kura hourua hei kaupapa angitu mō te whānau o Te Kāpehu Whetū ki Whangarei Terenga Parāoa.  He kura hourua tuarua i tuwhera e whitu marama ki muri, iaianei kua whai tautoko rātou i te kāwanatanga kia hanga he kura tuatahi ki raro i taua marara. 

He kura hourua e aronui ana ki te poipoi i ngā tauira Māori ki roto i to rātou Ngapuhitanga.  Iaianei kua whai tautoko mai I te kawanatanga kia hanga he kura teina.

Hei tā te tumuaki, a Nathan  Matthews, “Kei a mātou ngā kohungahunga ngā mokopuna kua whakaaetia te kura tuatahi, ā, kei konei tonu te kura tuarua noreira te āhua nei ka tū pakari tēnei kaupapa o tātou.”

E tata ana ki te wā pōti iaianei kua ara ake anō ngā tangiweto a te hunga whakahē i ēnei momo kura engari ko te mea nui ki tā te tumuaki ko rātou kei te whakairo i to rātou ano ara whai matauranga.

E ai ki a Nathan Matthews, “Kei a mātou te mana whakahaere kia whakatau, ka whiriwhiri he aha ngā huarahi pai mō ngā akomanga kei roto i ēnei kura.  Noreira ko te reo me ōna tikanga ngā pou matua, ā, e haere tonu ana mātou ki ngā kōrero a Meihana Dury mā kia tū hei Māori, kia tū mātou, kia tū rangatira ai.  Noreira koira ngā āhuatanga matua o te kaupapa nei. Kahore e taea te pēra e ētahi o ngā kura auraki o te taone nei.”

E karangatia ana ko Te Kapehu Whetu, he kura tēnei i whānau mai i Te Wananga Motuhake o Kamupene A o te rua tekau mā waru.  Iaianei kei te titiro whakamua ki te whakatuwheratanga o tētahi kura hourua ma ngā teina i runga anō i te tono a te minita tonu kia whai hua ai rātou.

Hei tā Nathan Matthews, “Inaianei e rua ngā kura kua whakaaetia nōrerira tēra pea ko te kōrero me whai hua, me whai hua mātou. Koira te mea nui, koira te whainga nui o mātou katoa i raro i te kaupapa o te kura hourua o ēnei kura hourua.”