Kaupapa: Rena

Kei te tautohetia te kaupapa mō te paenga o te Rena i Ōtāiti

  • Waikato/Te Waiariki

Kua tīmata ngā rangatira nā rātou te Kaipuke Rena, ki te tohe i tā rātou tono taiao kia waiho i ngā mahuetanga iho o te Kaipuke ki te toka o Ōtāiti i waho mai o Tauranga.

E rongohia ana te tono e tētahi paepae rangatira i te roanga atu o ngā wiki e toru.

Koinei te rā tuatahi e taki ai a Daina Shipping me āna ratonga inihua i te takingaroa.

Kīhai ngā māngai nō Daina Shipping o Kerehi i whakaae kia tuku kōrerō mai, ēngari ko tā rātou e tohe nei, ehara i te mahi māmā kia hī ake i ngā mahuetanga o te Kaipuke Rena, i raru i te toka o Otaiti ki ngā tai o Tauranga Moana.

Nā whai anō, e tautoko ana te tarahiti o Ngāti Mākino me ētahi atū rōpū o Te Arawa i te tono a ngā rangatira o te Rena.

Neke atu i te kotahi rau rima tekau ngā tono i riro i te Kaunihera-ā-Rohe o Te Moananui a Toi, engari mārō tonu nei te tū a ētahi o ngā kaitono mō Ngāi Te Hapū o te moutere o Motiti i whawhai kia mana te Toka o Ōtāiti, hei tāonga ki te Taraipunara o Waitangi. 

Tekau mā ono katoa ngā rā o te nohonga, ā, hei te tekau mā waru o tēnei marama ka tū tetahi haerenga ki te motu o Motiti.