Kaupapa: Health

Kei te rongo ngā whānau me ngā kōeke o Rotorua i te mātao

Mere McLean
  • Waikato/Te Waiariki

He nui te utu, engari me utu kia pai ai tāna noho i te mahana. Koia tā te kaumātua nei, tā Jack Carroll mō te whā rau tāra neke atu nāna i utu ki te hoko wahia me te tautoko hoki a Te Hiranga Tangata. E ai ki te pakihi Blazing Firewood o Rotorua, kua kite rātou i ngā whānau e noho taumaha ana i te kore wahia. Kei te rongo ngā whānau me ngā kōeke o Rotorua i te makariri. Hei tā Jack Carroll kua tae mai te takurua, ā, he uaua te haukoti i te makariri.

“Te utu mo tēnei, he wha rau, rua tekau mā rima tāra he nui tērā, i mua rā he māmā te utu engari kāua i ēnei rā”. Ki tāna Fabian Goldbert kaiwhakahaere o tēnei kamupene e mahi tahi ia me te tari Hiranga Tangata, ā, he nui tonu te hunga hoko i ōna wahia ka ahu mai tērā tari. “Ka whakataha hoki mātou, kia nui, kia rahi, kua rua tekau mā waru tau ahau ki tēnei taone nō reira kei te mārama ahau ki ngā uauatanga i te wā o te takurua, he nui tonu ngā tāngata e rapu awhina”.

Kotahi mano, ono rau te hunga ka mate ia tau na runga i te mātao ki roto i o rātou whare i te wā o te takurua. Ki tā Tamati Coffey, Mema Māori o Te Waiariki ka nā ngā ana ia ki te hapai i te hunga kei te rohe ki te aro ki ngā kaupapa o te kāwanatanga e pā ana ki ngā utu i te wā o te takurua. “Kia whai wāhi te hunga kei ngā utu iti e whiwhi nei i ngā hua, tatu noa ki ngā kaumātua kei runga i ngā penihana mo te hunga takakau, kei te whiwhi i te wha rau, rima tekau tāra, mo ngā tokorua, whitu rau kia haere ki te awhina ki te utu i te hiko”. Ahakoa ngā mahi a te kāwanatanga mo te hunga e noho ana ki Rotorua ko te rapu kia mahana ai rātou te tirohanga nui.