Kei te rapu ake he tumuaki hou mā te kura hourua ki Whangaruru

Dean Nathan
  • Te Tai Tokerau

Kei te rapu ake he tumuaki hou mā te kura hourua ki Whangaruru.  Koinei te whai a te poari whakahaere nō te whakamutuhanga o ngā kaiwhakahaere tokorua inapō ki raro hoki i te kaupapa i whakapuakitia e te Minita o te Matauranga a Hekia Parata e tuwhera tonu ai taua kura. 

He rā anō i te kura hourua ki Whangaruru me tētahi whakapuakitanga mai i te poari whakahaere.

Hei te Paraire o tēnei wiki pau ai te kotahi marama i tukuna e te Minita o te Mātauranga e Hekia Parata hei whakatika i ngā ngoikoretanga ki roto i ngā whakahaere.

Katahi ka arotakehia te kura e tōna tari.

Katahi anō ka pau te tau nō te whakatūwheratanga o tēnei kura hourua i runga hoki i te ngoikore o ngā kura auraki o te rohe ki te hāpai i ngā mātauranga o ngā tauira Māori.

Ahakoa ngā pēhitanga o te wā, kei te aro tonu ki te whakamau i ngā tauira o te wā kia tina.