Kei te māharahara tētahi pāpā nō Rotorua mō tana tama kua whakatārewatia

Mere McLean
  • Waikato/Te Waiariki

Kei te rapu a Richard Paul (Rotorua) i tētahi ara ki te mātauranga mō tana tama tekau mā tahi te pakeke whai muri i tōna whakatārewatanga mai i te kura takawaenga o Kaitao i te marama o Māhuru.

Ko te whakahau a te kura, kāre rātou i te hiahia ki a ia he whakamōrea nānā i ētahi atu. 

Kua kotahi marama nō te whakatārewatanga o te tama a Richard Paul i te kura takawaenga o Kaitao, ā, kua ūpoko pakaru ia kia whakahokia tana tama ki te kura.

Hei tā Richard Paul, “Ko tāku kia hoki ia ki te kura, kei tēnei rohe, ara, ko Kaitao.”

E rima ngā hui kua tū ki waenga i a Richard Paul me te kura, i tēnei tau kua rua ngā wā kua whakatārewatia tana tama, engari ko tāna kei hea te awhina a te kura hei ako i tana tama.

Engari kāre te kura i te hiahia ki a ia me ta rātou, he mōrearea ia ki a ia me ētahi atu.  Kīhae te tumuaki i te wātea ki te whakakanohi mai i ōna whakaaro heoi i whakatauira mai a Rory O'Rourke i te tū o te kura, kua tūkuna kē te tono ki te Tāhuhu o te Mātauranga kia haere te tauira nei ki Te Aho o te Kura Pounamu.

Ki tā Paul, “I te mōhio te kura takawaenga o Kaitao ki ōna raru, nako na i reira tōna tākuta hei hapai i ona raru engari kihae rātou i whai whakaaro mo tēna.”

Kua tata mutu te wāhanga kura mo te tau me te māharaha nui o te pāpā mo ngā rā kei mua.

E ai ki a Paul, “Ko tāku e whakapono ana ki te haere ia ki te kura aho pounamu i tēnei mutunga o te kura me tēra tau ka pēhea tōna noho ki roto i te kura tuarua, ka tino hē rawa atu!”

He take tēnei kei mua i te Tāhuhu o te Mātauranga, ā, e rere ana ngā whakatewhatewha engari mo Richard Paul me tana tama ko te noho kainga anake te whiringa.