Kaupapa: Housing

Kei te kahaki Te Tari Whare i ētahi whare kaporeihana

updated Aroha Treacher
  • Te Tai Rāwhiti

Kei te turaki ngā kaporeihana whare e noho mokemoke ana ki Maraenui.  Kawa katoa ana ētahi, kei te hari ētahi atu anō mema o te hapori, i a rātou e whai whakaaro ana ki te mata hōu o tā rātou hapori.

Ka whakapuehutia ngā hītori me ngā pūmahara anō hoki o ēnei kainga.  Koinei te otinga o ēnei whare kaporeihana kua noho mokemoke mō ngā e toru kua horī.

Koinei te wāhi i tipu ake ai ngā mokopuna tokotoru a te tipuna whaea nei a Maggie Harmer.  Kei te hari tōna ngākau ki te kite i te turakitanga o aua whare.

Koinei ētahi o ngā whaitua toru tekau mā toru a te kaporeihana whare, ā, he iwa tekau mā ono ngā kainga o roto ka turakina hei ngā marama kei te heke mai.

Koina te mahere hei whakahōu i te hapori o Maraenui, kia ora ai anō ia.  Engari ki ētahi whānau punua, kei te kawareka tēnei tūāhuatanga.

Engari, ko te pātai nui, ka aha ngā wāhi i mahue mai nei?  Kei te akiaki te Tarahiti Rōpū ā-Iwi i ngā tāngata ki te whakawhitiwhiti kōrero, ki te whakamōhio atu o rātou hiahia.

Ko ētahi o ngā whakaaro ka puta, ka hoko tumatawhāiti ngā wāhi kua mahue mai, ka whakaturia ngā whare hapori, ngā kāinga mā te whānau katoa, e uru ai hoki ngā tipuna.

Katoa ngā kōrero ka kohikohia e te Tarahiti Rōpū ā-Iwi mā tētahi pūrongo ā-hapori, kia oti rā anō hei te Pipiri, ki mua i ngā whakataunga whakamutunga.