Kei te hāpai ake ngā ringa toi i ngā whānau e mate hinengaro ana

Aroha Treacher
  • Te Tai Rāwhiti

Kāore he ritenga ki te whare whakarauora o Te Kuwatawata ki Turanga, i reira hanga ai ngā ringa toi i ngā taonga hei takoha ki ngā whānau e raru ana ki ngā matenga hinengaro i Te Tairāwhiti. Kāore tō rātou momo ki Aotearoa ki te ao whānui hoki.

Kei te hanga mahi toi e kōrero ana mō ngā taumahatanga kei runga i ngā whānau e kimi awhina ana. He taonga motuhake mō rātou.

"I te nuinga o te wā, i puta ai he mahi toi i te mutunga o ngā matapakinga, he takoha ki a rātou hei āwhina i a rātou, hei whakatenatena i a rātou, hei maharatanga o ngā purākau e āwhina atu ana ki a rātou," tā Nick Tupara.

I auaha ēnei mahi toi nō te tā moko, te raranga, te mahi peita tae atu ki te whakairo me te hopu whakaahua.

"Ko te ringa toi nei me ōna taringa me ōna kōrero he piriti me he pirit kia taea e rātou katoa me te whānau te kōrero kōtahi kia puta katoa ngā raruraru katoa ngā āhuatanga katoa e pā ana ki tērā whānau," tā Mark Kopua, kaihautū o Te Kuwatawata.

Ko ngā ringa toi ētahi o ngā kaimahi rua tekau mā rima i kōnei, e mahi ana ngā tākuta hoki ki te whare nei.

"He mea miharo rawa atu tēnei, he ranunga tā mātou tira o ngā tākuta me ngā ringa toi, kei ako mātou i a mātou anō," tā Dr Diana Kopua.

Nā tō rātou hōtaka Mahi a Atua, he kaupapa i ahu mai i ngā Atua Māori, i uru atu ai aua kōrero ki ngā mahi a tō rātou ratonga mate hinengaro.

"Ko te kuaha tonu tēnā mō ngā whānau e hēipū ana i te pokaika ērā āhuatanga hinengaro katoa rātou kua rumakina ki te inu waipirio kai taruataru ērā o ngā āhutanga katoa," says Mr Kopua. 

I huakina ōna kuaha i te paunga o Akuhata i tērā tau, ināianei kei te aro pū ētahi whare hauora o waho o te rohe ki ā rātou mahi.