Kei te haere a Tracey Steward ki te whakataetae CrossFit ā-rohe o Te Moananui-ā-Kiwa

Dean Nathan
  • Te Tai Tokerau

Koia kua tohua hei toa nama tahi o Aotearoa ki te whakataetae CrossFit ā-rohe o Te Moananui-ā-Kiwa. 

Mai i Ngāti Rangi i te rohe o Te Taitokerau e kaute ana a Tracey Stewart i ngā rā kia tae atu ia ki te mura o taua ahi.  

Ko te hakinakina te ngakaunui o tēnei uri o Ngati Rangi,aa ko tōna paraoa me te pata hoki hei pouako ki te kura tuarua o Tikipunga.

E rua tekau mā iwa ōna tau. Koni atu i te toru tau iaianei nō tana kitenga tuatahi i tēnei tumomo hākinakina te CrossFit.

Ā tērā wiki wehe atu ai te uri o Ngāti Rangi ki Woollongong Ahitereira hei toa tuatahi mō Aotearoa o ngā toki whā tekau katoa o Aotearoa Ahitereiria me Ahia kua tohua hei whakataetae mō ngā tūranga teitei o te Moananui a Kiwa. 

Mai reira, ka whai wāhi ai ngā tokorima teitei  ki te whakataetae crossfit o Carsen i Los Angeles, Amerika.

He hakinakina takitahi tēnei engari kei muri tēnei mareikura ko te tautoko o ngā takimano.