Kei te haere tētahi taitama Māori ki te purei piriota i te whakataetae Oceania

Wikitōria Day
  • Tāmaki Makaurau

He tekau mā whā tau te pakeke o Mario Hildred, he kai-tākaro piriota nō Tainui me Ngāti Porou. Kua tae mai ia ki Tāmaki Makaurau nei mō te whakataetae Oceania, ā, ahakoa kua rua tau noa iho ia e tākaro ana, kua tīmata kē tāna para i te huarahi ki te angitū.

E whakakoi ana ia i ōna pūkenga mō ngā kēmu kei te aroaro.

E rua tau ki muri mau tuatahi ai a Mario i te rākau piriota nōna e mātakitaki ana i ōna mātua e whakataetae ana. Nā konā tipu ake ai te kohara nui.

Nō nā noa nei whai urunga ai ia ki te kapa tekau mā rua tau heke iho o Aotearoa, ā, i autaia tana tū i te tauwhāinga Oceania i tēnei wiki.

Kua mātaitia tāna tākaro e te hēkeretari o NZBSA, ā, he nui tana whakamīharo ki ngā pūmanawa o Mario.

Ko tōna aroha ki te tākaro piriota, he momo tonu nō ōna mātua. Hei tā Mario, ko rātau kē tōna maruwehi.

Kāre e kore, mā te tautoko o ōna mātua ia e puāwai ai a ngā rā e haere ake nei.