Kei te ahu atu ngā kekeno o Marineland ki Ahitereiria

Aroha Treacher
  • Te Tai Rāwhiti

I kapia ngā kuaha o Marineland ki Ahuriri i te tau rua mano mā iwa, heoi, i te rangi nei i tauākītia ōna kekeno e toru, ngā kararehe whakamutunga rawa o te papa rēhea nei.

Ka ahu atu Mr BoJangles rātou ko Pania, ko Polly ki o rātou kainga hōu ki Ahitereiria, he tohu tērā kua kore rā tēnei momo.

Tūtaki mai ki te kaiwhakangāhau a Mr Bo Jangles, i whānau mai i konei i Marineland, engari, kua tae wā kia wehe ake i tōna kainga.

Engari, kāore a Mr BoJangles i te hiahia whakarongo.

Heoi, kei te kaukau tahi ōna hoa a Pania, te pōtiki, otirā ko Molly, te mātāmua, i mua i tā rāua haerenga roa.

I te tau ono tekau mā rima i whakatūwherahia ngā kuaha o Marineland, he kainga mō ngā aihe me ngā kekeno hei papa rēhia mā te marea.

I ngā tau ono tekau, whitu tekau inā kē te maha o ngā tāngata i tau atu.  Engari, ka ara ake ngā rōpū tiaki kararehe me ā rātou kupu whakatonu mō ngā tūkinotanga o ngā aihe e noho whakarau ana.

I tōna wā he wāhi makau tēnei, engari ināianei he whare puehu.  Ko te āhua nei, nā te hīkaka kia haere ki wāhi kē, kua pau te hau o Mr Bo.

Kei te haere a Molly ki te whare kararehe i Poipiripi, ka haere ōna hoa ki Seaworld Gold Coast, ki te whakangāhau tonu i te marea, mēnā tonu ka tomokia e ia te paepae hari.