Kei runga a Reipa i ngā tatauranga tōrangapū o te wā

Tema Hemi
  • Tāmaki Makaurau
  • Te Whanganui-ā-Tara

E porehu ana te haerenga a te ao tōrangapu te kōrero ā tēnei pukenga matua, ā ko tāna kei wero atu i te pāti Reipa. 

He ai ki tēnei pukenga matua ā Ella Henry, "E ono marama noa iho ko te noho ā Reipa hei kāwanatanga ā e rua tau me te hāwhe e toi ana ki te wā ka hoki ki ngā rohe. Nōreira he roa te wā mā rātou te whakatikatika haere i ā rātou anō."

Ko tā Henry ko te ekenga whakararo i roto i ngā rangahau te tino tohu, "Ko te take matua i heke whakararo te pāti Reipa i roto i ngā rangahau ko tōna whakaaweawe i te kōwhiringa pōti ki Te Raki Paewhenua. Tokorua ngā tāne Māori e tū ana mā Reipa me Nahinara. Ko te ahua nei ka raru te hunga e noho taiapa ana ki taua rohe. Ko toku whakāro me toa a Reipa i taua rohe kia tū rātou i te puke matatika."

Ko te whakatutuki i ngā poautinitini arā ko ngā tūkinotanga ki te nohonga ā te rōpu rangatahi o Reipa, ngā mahi a te minita pāpaho e pa ana ki Te Reo Irirangi o Aotearoa tae rā no ki ngā tāke kōhinu te take e noho āwangawanga tonu te marea.

Ko tā Henry anō, "Ko tēnei hononga kāwanatanga e whakawhānui atu te mana taurite ki ngā pāti e toru, he pāti tōrangapu rerekē, e rerekē hoki ā rātou matāpono. Ko te māharahara ā ngā kaitautoko ko te iti noa iho o ngā mahi kua tutuki mā ngā rautaki nui ko te hiahia kia whakatīnanahia.

ko tāna anō he roa tonu te huarahi kei mua i te aroaro.

Ahakoa i puta te ihu a te pāti Nahinara i roto i ngā rangahau ka hāneanea tonu te noho ā ngā kaitautoko mā Reipa ko Jacinda Ardern te pirimia e mariu tonu ai.