Kaupapa: Treaty Settlements

Kei mua te pire o Ngāti Tapu, Ngāi Tamarāwaho i te whare

  • Waikato/Te Waiariki

Ko te whakahoki tika atu i ngā whenua ki ētahi hapū e rua o Tauranga Moana te whai o te pire whakamana i a Otamataha, kātahi anō ka whakatakotoria ki mua i te Whare Pāremata i te ahiahi.

He rā kua roa e tāria ana Ngāti Tapu me Ngāi Tamarāwaho.

I panaia rātou i o rātou whenua, ā, i noho kaha kore rātou i te hanganga o tētahi taone nui, he miriona tāra te wāriu, ki runga i o rātou whenua taketake.

Engari ka whai rongoā pea ētahi hapū o Tauranga Moana, ki te whakaae ngā mema tōrangapū kia whakarerekē i tētahi ture, e whakahokia atu ai ētahi whenua ki a rātou.

E ai ki te Church Mission Society, i hokona e rātou ngā whenua i Te Papa, kātahi ka takohangia ki te Kāwanatanga.  Engari e tino whakahē ana a Ngāi Tamarāwaho me Ngāti Tapu i aua kōrero.

Ko te tūmanako, mā te hokinga mai ka whai whakaaro te hunga rangatahi ki te hohonutanga mō ngā hapū.

Kei mua i te aroaro o ngā mema tōrangapū tēnei pire i tēnei rā.