Ngā kaupapa: Elections, Politics

Kei mua te ihu o Meka Whaitiri i te Ikaroa-Rāwhiti

  • Te Tai Rāwhiti

I te rangi nei i whakapuakitia ngā tatau uiui pōti a Whakaata Māori mō te tūru o Ikaroa-Rāwhiti, ā, te āhua nei he ōrite tonu te putanga i waenga i a Meka Whaitiri rāua ko Te Hamua Nikora ki tērā i kitea i te kōwhiringa motuhake i tū ki Ikaroa-Rāwhiti i tērā tau.

Ka tika rā ko taua āhua anō ki ngā kaitono matua e rua o te whakataetae nei, heoi, kei te kite hoki i te aranga mai o Marama Fox ma te Pāti Māori.

Ko Meka Whaitiri mā te Rōpū Reipa tērā kei mua me te 37%.

Kei muri i a ia ko Te Hamua Nikora ma MANA me te 21%.  Nō reira, tekau mā ono ōrau te rerekē i waenga i a rāua.

Kātahi, ko Marama Fox ma te Pāti Māori kei te tekau mā waru ōrau - e toru ōrau noa i muri i a Te Hamua Nikora.

Nā, ko Henare Kani e ono ōrau mā te Rōpū Kākāriki.

Heoi, ko te hunga kāore tonu i te mōhio, he tekau mā tahi ōrau.  Ā, ko rātou kāore mō te tuku pōti, kāore rānei i te hiahia tautoko i tētahi o ēnei kaitono kei te whitu ōrau.