Kaumatua speaks Māori, threatened with arrest

Talisa Kupenga
  • Te Whanganui-ā-Tara

Kei te puku te rae o Kura Moeau i te whakatau a te pirihimana i mau ai ia ki Pōneke, tērā ka mauherea ia i tana whakautu pātai i roto kē i te reo Māori. Hei tā ngā kōrero a te pou tikanga Māori nei o te whare pāremata, kīhae ia i mahi hē, ā i te whakamana noa iho ia i tōna mana kia kōrero i tōna reo, he reo tūturu tonu o tēnei motu.

Ko tā tēnei kaumatua, i hēngia ia e tētahi pirihimana mo te kōrero Māori, a, he whakapāhā i a ia te hiahia.

"'Don't talk like that, I won't have that talk to me', I haere tonu au ki te korero maori, oti noa ra ka ki mai ia ki au 'you do that again I'm going to arrest you'."

Tata ki te Waterloo Takeways i mau a Moeahu i tana hokinga atu ki te kainga inapō

“Ko tona korero ki au, 'he aha te putake kaore koe i tu i te wa i hurirauna ona raiti ona rama'. Ko taku whakahoki atu ki a ia kaore au i hiahia ki te tu i te mea ra i kite atu au i te rarangi kowhai ki runga i te huarahi, kaore i te haumaru. I te riri au tā te mea kaore au i mahi i tetahi mahi hē.”

He kaiwhakarite a Moeahu ki paremata, a, kaore he ingoa pākehā mo tana tūnga. I patai atu te pirihimana no hea tana koti i tana kite i te pikitia ki tana uma, ko ta Moeahu me patai atu ki tana rangatira i te teihana.

“He tunga au ki roto i te Maori Advisory Board mo te pirihimana ki roto i te Taone. Katakata mai.”

Kaare i tīkitihia a Moeahu e te pirihimana, engari e āki ana ia i ngā tamariki kia kōrero Māori, ahakoa te aha.                                                  

I hui ngātahi a Kaiwhakatewha Hansen me nga kaitakawaenga Māori me Moeahu inakuanei. Ko te whakatau, hei ngā rangi tata nei kōrero atu ai a Hansen ki āna āpiha whai pānga ki tēnei take kia āta mārama ai, he aha pū i mahia ai.