Ngā kaupapa: Education, Politics

Kāre he tūrū i runga i te pahi kura o Māngakāhia mo Winston Peters

  • Te Tai Tokerau

E mea ana a Winston Peters, kei te auwahatia tāna whakaara ake i tētahi raru nui i Te Taitokerau. I aukatia te haere a te mema pāremata auraki o Te Taitokerau i runga i te pahi o te kura o Mangakāhia.

Ko tāna i whai, he rongo i ngā taumahatanga e pā kau atu ana ki ngā ākonga i te haere a pahi i ngā ara puehu.

I ngā akonga o Mangakāhia e kake ake ana ki runga i te Pahi nei, kua kapi te kuaha ki Te Mema Paremata Whānui mo Te Tai Tokerau.

Ki tā Winston Peters, “I'm still waiting for a reason. The fact is they just don't want political sunlight to shine on this problem.

I tū a Peters ki te Kura Takiwā tuawhenua o Mangakāhia i Titoki, e rua tekau kiromita whakaari mai Whangarei, ki te whakatipako i ngā nawe e pā ana ki ngā rori o te takiwa.

I tumanakotia e ia te haereere ki te taha o ngā akonga, ki ngā rori puehu, engari kihai te Tāhuhu Matauranga i whakaae ki tena.

Ki tā Peters, “Worse than they, they think they can get away with it. So if an MP wants to get on a bus and is told in my case no you cant get on the bus. That's just straight out beaurocratic bullying.”

Ki tā tētahi mema whanau e āwangawanga ana, ki tā, Noema Marsh, “Tōkū hunaonga e haere mai ai ia ki te tari mai ana tamariki mai Mangakāhia ki konei neki, tata taka atu ana ia te rori, i te karotanga o nga taraka tino kino matatoru ngā puehu i ngā wā katoa.”

E whakaae katoa ana tētahi o ngā tauira o te kura a Alexus Tohu, “It's very bad, half of us can't breathe properly. It's disgusting actually.”

I roto i tētahi whakahoki ā tuhi mai i te Minita Tuarua mo Te Matauranga a Nikki Kaye

“He poto rawa te wa mai ano i to ratou whiwhinga i te tono a Peters, a, he nawe ano to ratou e pa ana ki te nohonga haumaru ki runga i te pahi.

Hei tāna hoki, he mahi pohauhau tenei, a e tautoko ana ia i te aronga a Peters e pā ana ki ngā kaupapa matauranga.”

Māmā noaiho te rongoa mo tēnei raru kit ā Noema Marsh, hei tāna “Kia whakatikangia ngā rori, kia tarseal ngā rori. Ko tērā tōku whakaaro.”

Ahakoa e mea ana a Peters, nā Te Mema Paremata mo Whangarei a Shane Reti i kawe atu te take rori puehu ki te Rūnanga Minita, hei tāna kahore ano tētahi paku aha kia puta.”