Kapa Haka a national treasure to be valued

Aroha Treacher
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Ko te mahi rangahau i ngā hua ka puta mai i te ao kapa haka mā te hapori whānui o Aotearoa kei te awhi i te rōpu whakahaere o Te Matatini ki te hanga mahere rautaki mō ngā tau tekau hei tiaki i tētahi tino taonga o tātou.

E ai ki tētahi kaimahi matua o te Manatū Taonga a Mary Donn, “Kapa haka is part of who we are as New Zealanders it's an iconic New Zealand art form and that's what the world sees when they think New Zealand.”

E ai ki te Tumu Whakarae o Te Matatini Society a Carl Ross, “Me pehea te tangata te tū tane i roto i te whānau hei awhi atu ki tona hoa wahine anei ka huri haere ki nga tū wahine i runga i te atamira ka tū rangatira i roto i tenei ao.”

I āta titiro te pūrongo, ko Ngā Hua o Tāne Rore ki ngā tino hua o te ao kapa haka ki te hapori whānui.

“The value of kapa haka is in healthy lifestyles, it's in educational achievement, entrepreneurial activity, it's in all those other things that come as part of the benefits of kapa haka they contribute to New Zealand as a whole,” hei tā Donn.

E ai ki tētahi Kaiwaiata Māori a Rob Ruha, “Nā reira āhau e kī ana kei te tūwhera ngā tatau mō te katoa kia kuhu mai ko te mea nui me whai ngākau nui a rāwaho ki te kuhu i aua tatau.”

Nā te rangahau nei i hanga mahere rautaki mō Te Matatini.

Hei tā Ross, “Me pehea nei ngā mahi hei kohikohi pūtea hei tautoko mai ana i ngā roopu e tū ana ki te atamira koinei ngā wero kei mua i a mātou ka waiho ki roto i tō tātou rautaki mō ngā tau tekau e heke mai nei.”

He rangahau anō kei te haere mō te kapa haka me ōna hua, ki ngā tari Tatauranga o Aotearoa me Sport New Zealand.