Kaore te Pire Whāngai Tamariki ki rō kura i whai tautoko i te kāwanatanga

  • Te Whanganui-ā-Tara

I te whare pāremata tautohetohetia te Pire Whāngai Tamariki ki rō kura, heoi ka kore te pire e hipa i te pānuitanga tuatahi nā te kore whai tautoko i te kāwanatanga.

He mea kawe ake te pire e Metiria Turei nō te korenga o Hone Harawira, ā, ahakoa e taka ana te toki ki te pire, i haere atu a Metiria Turei ki te kura o Windley i Porirua i te rangi nei ki te whakatauira i te kaupapa.

Ae ko te pire whāngai tamariki i ngaungaua i te whare, ā, he karo ta John Key. 

Kāti, kei te takiwā o te ono tekau ngā tamariki o te kura o Windley ka whāngaia ki te parakuihi ia ata, ā, e ai ki te tumuaki he whika pērā anō mō ngā tamariki kaore i a rātou he tina.

Ko te whainga o te pire whāngai tamariki kia whakaritea tētahi kaupapa kāwanatanga e whāngaitia ai ngā tauira o ngā kura taumata tahi me te rua puta i te motu ki te parakuihi me te tina.

Ki ngā tatau pōti, ka hinga te pire. Ko Nahinara, Act, rātou ko United Future e whakahē ana.  Ko te utu o te pire he kotahi rau miriona tāra ia tau.

Kāti, ko te aro inaianei ki te pire kai ki rō kura a Reipa.

Tūturu ka noho ko tēnei take hei kai mā te hinengaro.