Kaupapa: Education

Kāore i whakaaetia te tono a te kura hourua Karaitiana i Waitākere e te Tāhuhu o te Mātauranga

Te Kāea
  • Tāmaki Makaurau

Kei te kati tētahi kura hourua Māori o te hāhi karaitiana i Waitākere.

Kua tūwhera ngā kuaha o Ngā Kākano o te Kaihanga mō te tekau mā waru tau engari ka kati pea a rātou kuaha nā te kore whakaae a te Tāhuhu o te Mātauranga kia riro ai rātou i te putea mai ngā kura hourua.

Heoi tērā anō te manako nui a Ngā Kākano o te Kaihanga kia huaki tonu ngā tatau.

Ahakoa te whakahē a te Tāhuhu, i whakaae tonu te poari o ngā kura hourua o Aotearoa kia whakawhiwhia a Ngā Kākano o te Kaihanga, he pūtea mō te kotahi taue haere tonu ai ngā mahi.  I tuku atu tā rātou tono tuarua i tērā Hui-Tanguru.

Mai rāno ngā whānau me ngā kaiako e kohi pūtea ana kia tū tonu te kura.

I tērā tau waru tekau mā whitu ōrau ngā tauira i pāhi i roto i a rātou tohu mātauranga.

Nō reira, kua pupū ake te pātai, 'He aha te take o tēnei whakatau a te Tāhuhu?"

Hei te Rāapa e tū mai nei ka hui tahi te kura me ngā whānau maha, e whakahaeretia ai rātou i tētahi huarahi whakamua.