Ngā kaupapa: Business, Rugby

Kāore anō kia whai hua nui ngā pāpara kāuta mai i ngā tākaro RWC

  • Te Whanganui-ā-Tara

Kāore ano ngā pāpara kāuta kia whai hua nui i ngā panonitanga a ture e whakaaetia ai kia noho tuwhera ai ngā tatau o ngā pāpara kāuta i ngā haora iti mō ngā tākaro Ipu Whutupōro o te Ao.

Koia te whakatau a Jordan Mills, kaiwhakahaere pāpara kāuta i Pōneke, me tāna e manako ana, ka kī rawa tōna whare hei ngā whiringa whaiti o te whakataetae.

Engari he tangata e kite ana i te wai nui, haunga te wai iti. I runga i tera whakaaro e matapaetia ia he hua ka pua. E mohio whanuitia ana a Courtenay Place ki te wairua hākoakoa, he waahi ka kite hoki i ngā ahuatanga rerekē. Engari hei tā Mills he mauritau te wairua a ngā kaihoko.

He kaiatakaro hoki a Mills mo te kapa poitūkohu o ngā Wellington Saints, engari mo naianei kō tōna aronganui ko te whutupōro, me etahi whakapae.

Heoi ko te tumanako ia kā whai hua ngā whakapae a Mills, ka whai hua ano hoki tōna pakihi.