Ngā kaupapa: Crime, George Taiaroa

Kāore anō he kōrero hōu mō te puhipuhitanga o Taiaroa

  • Waikato/Te Waiariki

Kāore anō ngā pirihimana kia kite noa i te take i pūhia ai a George, ā hei tā rātou, he patunga tara-tahi tēnei.

Otirā i Kirikiriroa i te rangi nei, tēra te whakatika atu o te whānau pani i tō rātou kāinga, i mua i te ahunga atu ki Ngātokowaru Marae i Taitoko.

Tere ana te tūpāpaku o Taiaroa ki Ngātokowaru Marae ki Horowhenua rohe, kia tangi mārika te whānau ki a ia.

Ngau tonu ana ko te mamae me te ohorere ki te whānau me ngā hoa i te rangi nei, tē tāea te kōrero mō tāna matenga.  Heoi, i tuku pānui whakamōhio mō tō rātou pāpā, hoa rangatira, koroua i meia ai ia he piki whara ngākaunui.

E ai ki ngā whakamārama a ngā pirihimana, mutu rawa ana ngā mahi a te kaitirotiro tūpāpaku.

Ko tā te kaitirotiro e mea ana, i mate a Taiaroa i tētahi aituā pū.

Nō te Rātū ā ia e mau ana i te tohu-rere waka, ki te piriti o Tirohanga i Atiamuri.  Me te whakapae ia, nā te kaitaraiwa ō roto i tētahi waka '4x4' te puhi i a Taiaroa.  

He rārangi ingoa kua whaia ē ngā pirihimana, me tā rātou tewhatewha tonu i te take.  67 ngā tau o George Taiaroa, ā, ko tōna whānau, tōna arohanui.  He tangata hī ika, he tangata ruku i te moana, he tangata whutupaoro.

Hei te Rāhoroi, ka tahuna te tūpāpaku o George Taiaroa.

Kairīpoata: Heeni Brown.