Kahungunu and Corrections sign kawenata

Aroha Treacher
  • Te Tai Rāwhiti


Kua tāmoko a Ngāti Kahungunu me te Ara Poutama i tētahi kawenata, he kawenata e whakakaha ake te ringa o te iwi ki te tautoko i ngā mauhere i tō rātou putunga atu i te whare herehere kia noho pai i te hapori. 


"E hiahia ana mātou ki te mahi tahi ki nga whanau i mua i te uru atu ki te ara poutama and kei muri anō hoki," tā Ngahiwi Tomaoana, heamana Ngāti Kahungunu.
 


"Tino tautoko i ngā iwi katoa, ko Ngāti Kahungunu tētahi e whai hononga i waenganui i a rātou anō me te Ara Poutama he mea tika tēnei itemea ko o tātou whanaunga te nuinga kei roto i ngā whare herehere," tā Kelvin Davis, Minita o Te Ara Poutama o Aotearoa.


Ko tētahi o ngā tino aronga kia tāea ai ngā mauhere te noho ki rō whare haumaru i tō rātou putanga i te whare herehere.
 

"E mōhio pū ana tātou ko tētahi o ngā tino raru mō ngā mauhere i tō rātou putanga i te whare herehere, ahakoa kua angitū rātou i ngā kaupapa mātauranga, kāore he whare haumaru tō rātou," tā Ray Smith, Tumu Whakarae o Te Ara Poutama o Aotearoa.


E pērā tonu ana i te Whare Oranga Ake, he whare e nōhia ana e ngā mauhere ki roto i te whare herehere, heoi kia whakatū pērā ki roto i te hapori.

"Kātahi anō ka timata tēnei rautaki, heoi ko te wawatā kia whakatū whare mō ngā wāhine tokoono, tokowaru rānei, ka nui ake taua nama mō ngā tāne," tā Smith.


Ko tā Smith mā te kaupapa nei e tāea ai ngā mauhere te whai mahi, te whai hononga anō ki ngā whānau.