Ka whiwhi hōnore pakihi i tētahi kaihoe mētara koura Ōrimipia

Lynette Amoroa
  • Tāmaki Makaurau

Ko ia tērā e whakaihuwaka ana i te ao hākinakina hoe waka, inaianei he tohu rangatira anō kua tāpirihia atu ki ngā tūtukihanga a Lisa Carrington, arā, ko te tohu tiketike o te pō tuku taonga ki te hunga i te Ao Pākihi Māori o Aotearoa i tū ki Tāmaki Makaurau inapō.

He kaupapa i whakatūria he tekau tau ki muri hei whakanui i ngā mahi angitū a te hunga Māori i roto i te ao mātauranga, pakihi anō hoki.

Kei tēnā me tēnā o te hunga kaiwhiwhi ā rātou ake kōrero angitū, hēoi ko te toa i tēnei tau ko te kaiwhakataetae Taumāhekeheke o te Ao, ko Lisa Carrington.

Hei tā tōna papa, nana hoki i kapo iho ai te taonga i tōna korenga, tā Pat Carrington e mea nei, “I te waeatanga mai o Manuka kia whakamōhio mai i tēnei tūtukihanga a Lisa mai i Te Whare Wānanga o Tāmaki Makaurau, ko tāku i patai ai, ‘Mō te aha te take?’, ko tāna i whakahoki ai mō āna mahi pakihi. Nōreira i te āhua tūmeke tahi māua”

He wiki whakahirahira tēnei mō te whānau Carrington ao ake i te ekenga panuku o Lisa i te whakataetae o te ao mō te reanga K1 rua rau mita ki Milan.

He tohu hou i ara ake i tēnei tau, arā ko te tohu paetae mō ngā mahi hiranga i te ao Māori, ā, i whakawhiwhia tērā ki a Joe Hawke o Ngāti Whātua. He tohu tēnei ka whakanui i te tangata e arahi, e whakawhanake ana i ngā māhuri tōtara ki te pae o angitū.

Nā tēnei momo huihuinga kua whai wāhi ngā rangatira o te ao pakihi Māori ki te tautoko, ki te whakawhanake hoki i te hunga e eke taumata ana i te ao mātauranga me te ao pakihi.

The inaugural Lifetime Achievement Recognition Award went to Ngāti Whātua leader Joe Hawke. The award is presented to a leader who provides protection and sustenance for the people.

The awards have enabled the business school to develop a network of Māori business leaders and alumni who support each other professionally and who gather each year to reaffirm their commitment to support the academic and business accomplishments of Māori.