Ka whakatūwhera te ao Rūrūtao ki ngā tauira Wharekura

Mere McLean
  • Te Tai Rāwhiti

Nō te tūtakitanga o ēnei tauira ki ngā mahi a Shakespeare, ka whakaaro ake rātou ki te whakauru ki te whakataetae ā-rohe mō Shakespeare.

"Kei te kite i ngā kōrero pono i ngā whakaari a Rūrūtao, nā reira, i tipakohia e mātou ngā kaupapa mārama ki ngā rangatahi," tā kaiako Zoe Creek.

Tokowaru ngā tauira ka haere ki te ahurei ka tū ki Te Whanganui a Tara i tēnei marama.

Kaikā ana te tauira a Kaydin Budd ki te haere,  "He mea nui tēnei take ki au i te mea he huarahi hei whakaara ake i te reo Māori kanohi Māori me ōna tikanga i roto i tēnei ao pākeha me kī."

Otira, kei te pērā tōna hoa a Te Maia Brooks, "He tau hou ahau ki tēnei mahi ki roto i te ao pākeha me kī, nā ōna kaiako tēnei mahi i whakatō ki roto i ahau, ā, kua hikina e au te mānuka.

Kua whai wāhi ēnei tauira mai i ngā tau tekau mā rua me te tekau mā toru ki ngā mahi a William Shakepeare, ka whai tatau hoki mō ō rātou tohu NCEA.