Kaupapa: Tainui

Ka whakatū anō te poari a te Tekaumārua te kii a Kīngi Tūheitia

Mere McLean
  • Waikato/Te Waiariki

E mārō ana te kaupapa o te poukai ki roto o Ngāti Awa ki Te Rangitaiki. 

He whakatau i whakapaohotia i te rangi nei, me te whakapono a ētahi kua roa e tāria ana tōna whakaaranga ake - arā te kāhui o te Tekaumarua ki raro o te Kīngitanga.

I te marama o Whiringa-a-Rangi i rere ngā kōrero ki roto o te kahui o te Kīngitanga mō te whakaaratanga o te Tekaumārua. 

I ngā tau ki muri ko ngā mema o runga i tēnei kāhui nō Tainui, heoi e rere ana te kōrero tērā mea ko ngā mema ka noho ki ēnei tūnga ka puta mai ngā iwi huri noa i te motu. 

Ko te whakapono ia, he mahinga tēnei ka here i te kaupapa o te Kīngitanga ki ngā iwi huri noa i Aotearoa, kia ora tonu ai te kaupapa mō ake tonu ana.