Kaupapa: Entertainment

Ka whakatata atu a Kaea Pearce ki a JLo ki te pō AMA

Wepiha Te Kanawa
  • Tāmaki Makaurau

He tekau mā waru ngā tau o tētahi kaikanikani nō te tonga o Tāmaki kua eke ki te atamira nui o te ao pūoro, i tana ki tū tahi me tētahi o ngā tino whetū o te ao waiata, a Jennifer Lopez, i te pō tohu pūoro o Amerika.

Engari nā tēnei kihi a Kaea Pearce, tekau mā waru ngā tau me te manu tioriori Latina a "Jenny from the Block" i tūmeke katoa ai te ipurangi.

Inā rā ngā rangi kua terea e tēnei kaikanikani, kua tikarongia ake i tōna kāinga i Tāmaki ki te Tonga, kia kanikani ai me ngā manu rongonui pēnei i a CL nō Korea.

Kua puta tōna mata ki tētahi kiriata, me ētahi kiriata waiata anō hoki, heoi hei tā Kaea, he nui ngā mahi kei te haere.

Nō nanahi noaiho nei ka hoki mai ia i LA, engari hei āpōpō tonu huri ai tōna waka ki Korea kia mahuta anō ai tōna whetū ki te pō tuku taonga Mnet o Āhia.