Kaupapa: Technology

Ka whakarewahia tētahi pūmanawa tautono hei whakaako i ngā tikanga o te marae o Papakura

updated Te Kāea
  • Tāmaki Makaurau

Ka whakarewahia tētahi pūmanawa tautono i roto i ngā reo e rua i te rā nei, hei whakaako i ngā tikanga me ngā kawa o te marae o Papakura.

E whakamahi ana te marae o Papakura, i ngā rākau a te Pākehā hei whakaako i ngā taonga tuku iho.

E ai ki a Tony Kake, “He puawaitanga o te App, hei tautoko ngā manuhiri kia tae mai, he aha te kawa, he aha te tikanga, he aha te kōrero o te marae.”

Nā Tākuta Maggie Buxton te pūmanawa tautono reo Māori, reo Pākeha nei i hanga, ko Papakura Marae te īngoa, kia tūhonohono ai ngā manuwhiri tua a-rangi e toro atu ana ki te marae,

Ahatia, kāore he toto Māori tō tākuta Buxton, kua tupu ake a ia i Papakaura, ā, e ngākaunui ana ia ki te whenua, te marae me te iwi.

Ki tā Kake, “Ko Maggie, he wahine toa ki a tātou, he wahine hei hāpai, hei tautoko i te marae i roto i tēnei ao hurihuri, i te ao o te computer, te digital.”

Ko tētahi āhuatanga mīharo o te taupānga, ki te aro tō waea pūkoro, īpapa rānei ki ngā taonga, whakairo ki roto i te wharenui ka puta ngā whakamārama.

E manako ana a Takuta Bruxton, kia tupu ake te taupānga nei, hei wāhi whakawhitiwhiti kōrero i ngā rawa hangarau, mō ngā rangatahi me te hapori whānui.