Kā whakararu pea te wāriu rawa waro i ngā kaupapa ngahere Māori

Mere McLean
  • Waikato/Te Waiariki

Kei te hiahia a Maanu Paul o te Kaunihera Māori kia mahi ngātahi ratou me te kāhui rangatira Māori ki te whakapiki i te wāriu o ngā rawa waro.

Kua heke iho nei te wāriu o ngā rawa waro kei roto i ngā whenua ngahere Māori pera i ngā whenua ngahere kei te puku o te ika.

He wāriu kei roto i ngā rākau ngahere kei ngā rawa waro, heoi anō kua heke iho tēra wāriu, me te aha, i te mutunga iho kei raro ngā kaupapa Māori ngahere e putu ana.

Ko tā Maanu Paul o Ngai Moewhare ki Ngāti Manawa na te mahi a te Kāwanatanga, kua hikina te wariu mai te rua tekau ma waru ki te whitu noa iho, ki tāna titiro ka noho ki reira ki te kore te Kāwanatanga e whakatikatika.

Ko te hiahia a Maanu Paul, kia mahi tahi ngā rōpu Māori ki te whakatakoto korero ki te Kāwanatanga kia kore ai ngā kamupene nui o tāwaahi e hoko i ngā rawa waro kia noho tonu o rātou wāriu ki te Māori me ngā pakihi o Aotearoa.

Ki raro i ngā tikanga a te Kāwanatanga, rima tekau ma rima miriona ngā rawa waro kua tukuna, heoi ki tā te Kaunihera Māori ko te raru kei te kaipupuri ano te tikanga mena ka pupuri, ka hoko ranei i o rawa waro, e hiki ai te wāriu mo te katoa.