Ka whakarahi ake pea ngā rāhui hopu whakaahua ki ngā whakataetae Kapa Haka tamariki

Mere McLean
  • Waikato/Te Waiariki

Ko te wa tuarua tēnei kua tu Te Wharekura o Ngāti Rongomai mai te waka o Te Arawa ki runga i te papa whakatutu waewae o te Mana Kuratahi.

Ko tā Tukiterangi Curtis, “No mātou kātoa o to mātou kainga o Ngāti Rongomai, a iwi, e whakamiharo nei i te ahuatanga o tēnei kaupapa kia hara mai o mātou tamariki, mokopuna ki konei.”

Kei te taha tonu o Te Rotoiti te Wharekura o Ngati Rongomai e tau ana, ko ta rātou e tino aro nei ki to râtou Ngati Rongomaitanga, ā, mō ētahi rōpū ko te tiaki i te mana whakairo o ā rātou mahi tētahi kaupapa nui.

Kei te taha tonu o Te Rotoiti te Wharekura o Ngāti Rongomai e tau ana, ko ta rātou e tino aro nei ki to rātou Ngati Rongomaitanga, ā, mō ētahi rōpū ko te tiaki i te mana whakairo o ā rātou mahi tētahi kaupapa nui

Ko tētahi tirohanga mo tēnei whakataetae, kei a wai te mana pupuri i a tātou e anga whakamua i roto i te ao hangarau - i konei e kite nei i ngā matua me te hunga matakitaki e tango whakaahua ana, ahakoa te rahui whakātu kua utaina ki runga.

Ahakoa kua hiki te tapu ki ētahi o ngā wahanga ki tēnei whakahuinga mana kuratahi i tēnei tau, kāre e kore ka piki ngā whakarahuitanga i roto i ngā tau e tu mai nei.