Kaupapa: Housing

Ka whakanuihia e ngā whānau o Ōpape i te whakahōutanga mo Muriwai

Mere McLean
  • Waikato/Te Waiariki

I whakanuihia e te hapū o Ngāi Tamahaua, o Te Whakatōhea i te whakahoutanga o tō rātou whare tipuna a Muriwai. Kua rua tau e whakatikahia nei nā runga i ngā kikino o te tūāpapa o te whare. Kua rua tau engari i tēnei rā kua hoki mai ngā whānau o Ngāi Tamahaua ki tō rātou ūkaipō.

Ki tā Damian Papuni kaiwhakarite mo ngā mahi whakapaipai “tokomaha ngā tangata i hara mai ki tautoko i tēnei rā whakahirahira mo te tomo whare o Muriwai tino harikoa te ngākau, puta atu ētahi roimata”. Hei tā Papuni anō neke atu i te wha rau mano te utu. “Ko te whare e tītahataha, pēnei, nā ngā Trustees o te Marae commissioned, te, structural expert kia hara mai ki te titiro ki te whare, e pā ana ki te tiakitanga o te hapū, nā ngā i whakautu mai, kāre pai, kāre e pai te whare, tino kino”. Atu i te tau tekau mā ono i te kati te Marae mo ngā whakahoutanga i reira i tiro atu te hapū ki ngā whānaunga o te iwi hei tauawhi i a rātou.

Hei tā Ruka Huddson kaumātua o te Marae “he mihi ki ngā hapū o tēnei takiwa o Ngāti Rua, Ngāti Patu, Ngāti Ngahere whakaae ana rātou te wā i kati tēnei Marae, whakaae ana rātou mo mātou kia haere atu ki reira ki te kawe atu i o mātou na tangi ki reira wētahi atu o ngā ahuatanga pā mai ki runga i a mātou.”

E rima ngā wāhanga o ngā mahi whakapaipai ki runga o Ōpape Marae, koinei te tuatahi, ko te tuarua e titiro ana ki ngā wharepaku, te tuatoru ka titiro hoki ki te whare-kai.