Ka whakanuia te pōti tuatahi o ngā wāhine e ngā Kaiwaihanga o Aotearoa

  • Tāmaki Makaurau

Ko tēnei te wiki e whakanuitia ai ngā Kaiwaihanga o Aotearoa, ā, ko te kaupapa ka hāpaitia ko te kotahi rau e rua tekau tau mai i te whakaaetanga o te wahine kia pōti, kia tū hoki i roto i ngā mahi kāwana o Aotearoa.  

Ko te whakanui anō i a Merle Greenwood te wahine tuatahi ki te whiwhi i tana tohu paetahi mō te Waihanga Whare.

He whakaaturanga hei whakanui i te pōti tuatahi a te wahine ki roto o Aotearoa ā huri noa i te ao, he whakanui hoki i te wahine i roto i ngā mahi waihanga, koia nei te tino pūtake o tēnei wiki.

Ka whakanuitia anō te wahine tuatahi ki te whiwhi i tana tohu paetahi mō te mahi waihanga, me ngā wāhine katoa i whai muri mai i a ia.

Ka tū te whakaaturanga Between Silos ki te Wynyard Quarter i te wahapū o Tāmaki Herenga Waka, tae noa ki te paunga o tēnei wiki.