Ngā kaupapa: Kapa Haka, Te Matatini

Ka whakamoea te kapa haka o Te Whare Wānanga o Waikato

  • Waikato/Te Waiariki

Hei tēnei Rāhoroi ka whakarauika ngā mema katoa o te kapa haka o Te Whare Wananga o Waikato mō te wā whakamutunga pea.

Ka whakatakotohia ngā tini mahi a te rōpū, kia mihia, kia tangihia ngā tini mahi i oti i te kapa i ōna 30 tau.

Ko te tohunga haka ko Joe Harawira tētahi i ārahi i te kapa i ōna wā, ā, ko tāna kua tae ki te tauāki i te kapa me ngā pae tawhiti i whakamaua kia tina.

Heoi hei tā Joe, ehara i te mea kua nunumi te kapa ki te pō, "I whakaaro ahau ko te hui kei te haere ake mō te whakamoea te kapa haka o Te Whare Wānanga o Waikato. Hāunga me te rongo i a Tīmoti (Kāretū), kao pea, mēna he whakaaro wā ētahi ki te whakaara i te kapa haka o Te Whare Wananga o Waikato, kei te pai.”