Ngā kaupapa: Entertainment, Fashion

Ka whakamīharo atu ngā mahi a Te Whakakitenga Pūeru Taketake ki Taranaki āpōpō

Mere McLean
  • Te Tai Hauāuru

Tekau mā toru ngā mema iwi taketake ka whakaatu i o rātou mahi i te taha o ngā kaiwaihanga Māori tokowhitu ki te kaupapa Iwi Taketake ka tū hei te pō o āpōpō ki Ngāmotu. 

Ko ngā wheako ki waenga i ngā iwi taketake te kaupapa matua i roto i ngā kōrero whakawhiti.

E ai ki a Puhi Nuku, “Tērā hononga ki waenganui i a tātau, ā, ka kite, ā, ai ki roto i tēnei kaupapa, nō reira tino mīharo rawa atu.”

Atu i te Rāhina i konei te hui iwi taketake ki Owae Marae, Waitara.

Ki tā Mahau Waru, “Te whakaaro hoki ki ta tatau tūpuna ta Maui Pomare, koinei te tau e waru tekau mā iwa te matenga o tō tātau rangatira, i te whakahokia mai ki a mātou te oranga, kia tatau, tēnei anō he oranga pai mo a tātau tamariki, a tātau mokopuna i runga i te atamira whakaari, pai atu nei te tinana.

I ahu mai te kaupapa o tēnei hui iwi taketake mai i Ahitereria, hēoi anō nō Tina Waru o Te Atiawa me Taranaki te whānuitanga o te whakaaro, kia noho tahi ngā iwi taketake, ā, kua tau mai tēnei kaupapa ki konei. 

Ko te mea mīharo koinei te wā tuatahi kua tū ai tēnei kaupapa ki roto i te rohe o Taranaki me Aotearoa whānui, ahakoa i muri i āhau e hunga ana te maunga titohea nei a Taranaki, ko te tūmanako ka huraina mai i a ia.