Kaupapa: Prison

Ka whakamahi ngā mauhere i ngā hangarau hou ki te whakapā atu ki o rātou whānau

Aroha Treacher
  • Te Tai Rāwhiti

Ākuanei ka āhei te hunga mauhere ki te kōrero ki o rātou whānau i a rātou e mauhere ana, mā runga ētahi hangarau a-pouaka whakaata. He tuatahitanga tēnei mō ngā whare herehere ki Aotearoa nei.

Ko ngā mauhere o te Whare Herehere o Te Matau a Māui te tuatahi pea ki te raweke i tētahi taiwhanga whakaniko kiriata.

Anei te mea e kōrerohia ana, te taiwhanga whakaniko ataata, i whakarewa i te tau rua mano tekau mā tahi i ngā kōti.

Ināianei mā taua hangarau, ka tāea ngā mauhere te kōrero a-kāmera atu ki o rātou whānau.

Katoa ngā oro i mau ki tēnei taiwhanga, heoi, kei te hōmiromiro tonu te titiro o ngā kāmera ki te mauhere.

Kia whakatauhia ngā kaupapa here ka whakarewaina tēnei kaupapa hei te paunga o tēnei tau.