Ka whakahokia pea a Panepane ki a Ngāi Te Rangi

  • Waikato/Te Waiariki

Ka whakahokia pea tētahi waahi motuhake o te moutere o Matakana ki te iwi o Ngāi Te Rangi, nā runga i ngā whakawhitinga kōrero e rere ana i waenganui i te iwi hau kāinga me Te Kaunihera ā-rohe o Te Moana a Toi ki te uru.

Ko Te Panepane te waahi e kōrerotia ana, ā, ko te whakapae ka tīmata ngā mahi whakatau mā roto i tētahi mahere tiaki whenua rāhui ka mana pea hei tēnei Rāmere.