Kaupapa: Arts

Ka whakaawe ngā tīpuna o Te Arawa i tētahi toi matarahi hōu i Rotorua

  • Waikato/Te Waiariki
  • Ahitereiria

He tuatahi ki Rotorua, te whakatū i tētahi huihuinga kōwai matarahi, ā ko ngā pūkenga o ngā ringa toi matarahi tokowaru, Māori mai, Tauiwi mai anō hoki kei te whakakitea. Tuia atu, ko ngā mahi toi matarahi a ngā tohunga mahi toi nō Te Arawa, nō Te Waiariki me tāwāhi ka hora ki ngā pakitara huri noa i te taone.

Ko te tohunga o te waka o Te Arawa ko Ngātoroirangi te ito o ngā whakaaro mō tēnei tokorua ringa rehe.

Ko te paruparu me te korohū te aronga o ngā mahi. Tekau mano tāra ka whakawhiwhia ki ringatoi whakaihuwaka, kotahi mano tāra ki te toa ka kōwhiria e te iwi tūmatanui. Engari, ehara te pūtea i te mea nui mō tēnei uri o Te Arawa.

Hei tā Reagan Balzar (Te Arawa, Tūhourangi, Tauranga), "Ko tēnei tētahi o ngā kōtiro e tino rongo ana i te hauora e ngōngō mai ana i te wai, i te paru hoki.  Koirā hoki te mahi o āna tūpuna, nō reira he mahi tuku iho."

Nō te marama o Akuhata i tono ai te Whare Toi o Rotorua ki ngā tohunga mahi toi. E waru ngā pikitia o ngā mea e rua tekau i tukuna me ngā mahinga toi rerekē.

Ka kōwhiria te ringarehe toa ā te Rātapu nei.  Ko te matapae ka iri ake ngā toi pakitara ki ngā tiriti o Eruera me Amohia ā tērā wiki.