Ka whakaatu mai ngā kaumātua ehara i te mea nui te pakeke o te tangata

Te Kapa ā-Tihi - Rereātea
  • Te Tai Rāwhiti

He nama noa iho te pakeketanga o ngā kaumātua 100 rau i whai wāhi ki te tauwhainga Iron Māori mā ngā kaumātua ki Ahuriri. He whakataetae kauhoe, eke paihikara me te oma hei whakatenatena i te katoa kia whakapakari tinana.

E iwa tekau tau te hanga mātātahi mai o Keita Hakiwai, koia te mea pakeke rawa i konei, ā kua whai waahi ia ki te tauwhāinga i ngā tau e rima kua hipa.

He tauwhainga tēnei mā ngā pakeke piki ake i te 55 ngā tau, ko te whakawhiti i te rārangi whakamutunga, he mea nui ki te katoa.

Huhua ana ngā kōrero whakaaweawe, ko te pakeketanga kāre e tāmi ana i te korikori, i te whakapakari tinana.

He hīkoi, he kauhoe, he eke paihikara rānei tā ētahi, ko te katoa rānei tā ētahi atu, kia whaia ai e rātou te ara hauora.