Kaupapa: Tūhoe

Ka whai wāhi ai he haka hou ki Te Hui Ahurei a Tuhoe ka whakakorengia te haka rongonui a "Te Pūru"

Taroi Black
  • Waikato/Te Waiariki
Ka whakarerekētia te hītori a Te Hui Ahurei a Tūhoe ruamano tekau mā ono, kia whai wāhi ai he haka hou, ka whakakorengia te haka rongonui a "Te Pūru". 
 
Kua kotahi tau a Tūhoe e wānanga ana mo tēnei huarahi hou, ā, ka mōhio tātou nā wai te haka i tito. 
 
Ka kore rawa te haka a Te Pūru e whakaaturia ki runga i te atamira o te Hui Ahurei a Tūhoe. 
 
Kua hakaina tēnei whakatūwaewae neke atu i te kotahi rau tau. 
 
He momo haka e whakatairanga ana i te tū a Tūhoe i runga i te atamira kapa haka. Engari e whakapono te iwi kia whai wāhi ai he haka e tiro whakamua ana, e hāngai hoki ana ki ngā reanga o naianei. 
 
He rongonui hoki a Te Puru i ngā momo kaupapa pēra i ngā rā whakamaumahara, huritau me ngā rā mārena. 
 
Ka noho tonu te haka hou ki ngā nekehanga a Te Pūru, ā, ka whakaturia mo te wā tuatahi ki ngā karapū o te Tuhoe Ahurei hei te marama o Mahuru.