Ka whai utu tonu ngā kaimahi o Tachikawa

Heeni Brown
  • Waikato/Te Waiariki

I tērā marama ka kapi a Tachikawa, he nui rawa no ngā nama, me te aha, ka poroa ngā tūranga o āna kaimahi kotahi rau rua tekau.

Engari ehara i te mea ka wehe ngā kaimahi nei i te kamupene me te rae anake, e ai ki a First Union, kua meatia e Kordamentha, te kamupene e whakahaere ana i a Tachikawa inaianei, ka whai wāhi ngā kaimahi ō-mua o Tachikawa ki tētahi utu whakamutunga.

Hei tā Syd Keepa, ko te tikanga ka whai i te rima tekau hēneti ki ia taara, heoi, e kiia ana e Kordmentha, ka utua e rātou te whā tekau mā toru hēneti ki ia taara.  Hei tāna anō, he mea pai tonu tērā, i te mea ka taea e ngā kaimahi te whiwhi $8000 i mua i ngā taake.

Engari te hanga nei e harikoa ana a Syd Keepa ki te whakatau a Kordamentha mō ngā whānau kua pākia e te kore mahi.

"Kua huri ngā whakaaro i te mea ka whai utu ngā kaimahi i mua tonu i te kirihimete."