Kaupapa: Fashion

Ka whai tūru matua a US Vogue i te whakaturanga pueru a Kharl Wirepa

Taroi Black
  • Tāmaki Makaurau
  • Waikato/Te Waiariki
  • Te Tai Rāwhiti

E whakapaetia ana, ka rongonui te kaipueru toki Māori o tērā tau a Kharl Wirepa whai muri i tētahi tono īmēra mai i a US Vogue kia whai tūru matua rātou ki tōna whakaaturanga hei te ahiahi āpōpō.

I ara ake ia ki te āo kākāhu o Aotearoa i ngā tau e toru ki muri. I whai wāhi tēnei uri kamakama o Te Whānau a Apanui ki te kōrero mai ki a Te Kāea.

Ka whakaatu a Kharl Wirepa i tana kohikohinga kākāhu ruamano tekau mā ono ki ngā tino makahini o te āo.

Hei tā te New York Times, ko tēnei makahini "te tino o ngā makahini kākāhu o te āo", ā, e hiahia ana rātou ki te uru ki te whakaaturanga a Wirepa āpōpō. 

E ai ki te toki kaipueru Māori o tērā tau, ko ngā rangatira o te āo hanga kākāhu anake ka whai wāhi ki tōna whakaaturanga. 

Koinei te whakaaturanga tuarua a Wirepa ki NZ Fashion Week. Me tāna, me kaha tonu ngā kaipueru ki te whakatairanga i ā rātou mahi ki te taumata o te āo.

Ko tōna moemoea kia tū i a ia tētahi whare Haute Couture me te ārahi i te āo kākāhu ki taumata kē.