Kaupapa: NZ Music

Ka whai hua te taha ōhanga nā runga i a ONE LOVE

Mere McLean
  • Waikato/Te Waiariki

Tekau mā waru ngā tīkiti kua hokonga atu mo te taiopenga One Love, ā, ko kete ohanga o Tauranga ka whai hua.  Koinei tōna tau tuawhitu, ā, ko tā Pato Alvare, kaiwhakarite o te hui he kaupapa e tipu, e kake ana.    

Nō Tauranga te whiwhi mai tēnei huinga e whakarauika nei i te tini me te mano.  

Ki tā Alvare anō, "Kei te whakakotahi mātou i ngā iwi huri noa i te ao, miharo! kei te hapai mātou i te hapori, i a Aotearoa, kua rere mai ngā tāngata mai Amerika, Tiamani, Wīwī, ngā moutere me Ahitereria."

Nō te tau rua mano tekau mā ono, rima miriona ngā pūtea hei whakakī i te kete ōhanga o Tauranga Moana, he huinga hoki e kukume ana i te hunga mai tawhiti.  

Mo Jonyne Mariu-Komene ka hoki mai anō ia, " i hoki au i ngā tīkiti mōata, ā, ka whakawhiwhi au i tētahi hāte mo te kore utu.

Ka mutu hei tā Mike Wilson, koinei tōna wā tuatahi ki konei ,ā, "mo ngā whakaritenga, e rua rā, he rawe te utu".

E rere ana ngā mihi a te iti me te rahi ki tenei kaupapa nui.

Mo Rongo Mai Tehei ka hoki mai anō ia hei tērā tau "Tokomaha kite ana i ngā rangatahi, i ngā whānau, e kaha whakapai ana, kaha āwhina ērā ki te taha o te wai kohi i ngā para ēra momo ahua".

E rere ana ngā mihi a te iti me te rahi ki tenei kaupapa nui, heoi e whakahihi ana a Alvare i tona mahi.

"I te wā i whakatū au i tēnei kaupapa ko tāku e whakaatu i tēnei momo waiata o Aotearoa ki te ao, kua tutuki tērā, ā, kei a mātou ngā rōpū pai rawa, ka mutu, ko tāku he ākina i a rātou ki tā wāhi." 

Ki tā ngā kaiwhakarite ka hoki mai rātou ki Tauranga moana hei te tau rua mano tekau mā iwa.