Kaupapa: Kapa Haka

Ka uru a Tai Wānanga ki te whakataetae Kapa Haka Kura Tuarua o Tainui

  • Waikato/Te Waiariki

Tekau katoa ngā kura ka tū ki te mura o te whakataetae kura tuarua ā-rohe o Tainui āpōpō, me te mea nei, ko ngā toa whakaihu waka o te motu, arā Te Wharekura o Rākaumanga tētahi o ngā kaiwhakataetae.  

Ko Te Kura o Tai Wānanga ngā mata hou ka tū ki roto i te rohe o Tainui.

Mai i tōnā orokohanga mai i te tau rua mano tekau, ā, nā ngā tauira anō te hiahia nui kia whakatūria tēnei kapa haka.

Ko ngā kaiako o te kapa, he tohunga haka ki Te Matatini, mai i ngā rōpū o Te Mataarae I Ōrehu, Te Iti Kahurangi, me Tū Te Manawa Maurea.

Ka tū te Whakataetae a rohe o Tainui Waka ki Kirikiriroa i Claudelands Event Center āpōpō.