Ka tūwhera tētahi whakaruruhau mō ngā mahi whakaari Māori ki Tāmaki Makaurau

Taroi Black
  • Tāmaki Makaurau

I tēnei wā, ko te whare īngoa kore te karangatanga mō tētahi wāhi hōu ka whakaruruhau i ngā mahi whakaari Māori ki roto o Tāmaki Makaurau.

Heoi, hei tēnei Rāhoroi, whakahuatia ake, ko wai te whare nei kua whakatikatikahia, kua whakapaipaingia i ngā wiki tata nei, kia rite ai mō tana whakatuwheratanga ki te ao.

E rua ngā rā kei te toe ki te whakarewanga o tēnei whare tapere hou ki Tāmaki Makaurau.

Kua ono wiki tētahi kāhui toru tekau te nui e mahi tahi ana ki tēnei whare, e whakareri ana mō tana whakarewanga hei ēnei rā whakangā ki New Lynn.

Heoi, arā noa ngā mahi kei mua i te aroaro. Kua whakarite te rōpū i tētahi whārangi kimi moni, hei kimi i te tekau mano tāra.

Ka whakaīngoatia te whare hōu i tōna tūwheratanga.