Kaupapa: Health

Ka tūwhera te tatau o te ratonga Octane Youth Health ākuanei

Heeni Brown
  • Te Tai Tokerau

Aianei ake ka puare a Octane Youth Health, he whare hauora utu kore mō te hunga rangatahi.

E ai ki a Tākuta Cheryl Bollen i ara ake tēnei kaupapa i te whakāro kia whakawateahia mai te taiwhanga mate whawhati tata ki te Hohipere o Whangarei, i ngā haerenga a te rangatahi mō ngā mate whai whakāro kore.

Ko ngā mate whakapōauau, ngā mate waipiro, ngā mate onioni me ngā mate hinengaro ngā tino take o te hunga rangatahi o Te Tai Tokerau.

E ai ki ngā tatauranga a te Tāhūhū o Te Ture, he toru tekau mā whā i mate whakamomori mai i te marama o Hune rua mano tekau mā rua ki te Hune rua mano tekau mā toru.

E ai ki a Tākuta Bollen ko tāna e tumanako ana ka tika te rato o ngā āwhina nei ki te taiohi.

"Ko te koingo o te ngākau kia mahi tahi me te rangatahi."

Hei te Rāhina ka puare tūturu te whare hauora o Octane Youth Health.