Ngā kaupapa: Education, Health

Ka turakihia te whakamā mō te mate wahine e tētahi kura

Talisa Kupenga
  • Tāmaki Makaurau

Ko te turaki i te whakamā me te mānukanuka mō te mate wahine te mahi a Te Kura Kōhine o Kerehana i Tamaki.

He tari o te ora tō te kura ka whiwhi pūtea āwhina mō tētahi tākuta mā ngā tauria me te tuku kope mate wahine mō te kore utu. E ai ki te tūmuaki, e tau ana ngā ākonga i te mōhiotanga atu, ko wā rātou hiahia, ka tutuki.

He taonga tēnei, ki ētahi he rawa. Inaeanei, kei te tukua mō te kore utu.

I te marama o Paengawhāwhā i whakahē a Pharmac i te tono kia riro māna ngā utu mō ngā kope mate wahine, ēngari i taua wā tonu i tuku te kawanatanga i te rima tekau mano tāra ki a KidsCan mo tēnei take hei āwhi i ētahi kura pēnei i tēnei.

He taumata rua tēnei kura, engari ko te kaupapa ka wātea ki ngā ākonga katoa i konei, ahakoa pēhea te whai rawa o te whānau.

He rua rau mā waru ngā kura kua whai hua na te pūtea o KidsCan i tēnei tau, kia kore te utu  rawa e aukatihia tētahi.

I timata te rōpū te awhina i tēnei kura i tēra tau.