Ka tukuna ētahi kōwaiwai Māori ki ētahi whakakitenga ki tāwāhi

  • Tāmaki Makaurau

E whakatika ana te Toi o Tāmaki ki te tuku i ētahi kōwaiwai Māori e whā tekau mā waru a Gottfried Lindauer, te tohunga kōwaiwai nō ngā tau kotahi mano e waru rau, ki ētahi whakakitenga i Berlin, i Tiamani, me Pilsen i te whenua Czech Republic hei te Whiringa-ā-rangi.

Ko Pilsen te kainga tūturu o Lindauer, a koira tetahi o ngā wāhi i tae atu ai te kaihautū Maori o Te Toi o Tāmaki a Ngahiraka Mason, na runga i ana mahi rangahau.

No tēra marama tonu te Kaihautū Maori o te whare Toi o Tāmaki, a Ngahiraka Mason, i hoki mai ai i te Czech Republic, mai i tana haerenga ki  Pilsen, te ukaipo o te kaipeita kōwaiwai Maori, a Gottfried Lindauer.

I haere mai a Lindauer ki Aotearoa mai i Tiamana, i te tau 1874, na tona hiahia ki te karo i ngā pakanga o tōna whenua.

I akona a Lindauer ki ngā mahi peita, hanga toi hoki, i te Kura o Vienna, a i tona taenga mai ki konei, miharo ana kia aia te nohotahi, te mahitahi me te Maori.

Hei te marama o Whiringa a Rangi ka wehe atu ngā tīpuna Maori nei ki Berlin, Tiamana, me te kainga tūturu o Lindauer ki Pilsen i te Czech Republic, ngaro atu ai mo te kotahi tau.